Poilim ami Devachim

Magir ami Goenche matiechim

Hindu zaum, musolman.

Te raja gele, firangi poule

Goenkar te Goenkaruch urle.

 

Kuicheai Devak bozum

Vidhexi ghavant ravum

Veg-vegleo bhaso xinkum

Bail gori vo kampri zaum

Goenkcar to Goenkar urum

 

Amchim kutub veglech toreche

Devachea bhirantin dhis kaddpache

Amchim bhurgim, rit-moriadichim

Amche dadle honr’rak morpache

Vhoddlim jevnam nakat amkam

Ruch eita fokt codiechi.

 

Vichar kor o Goankara!

Xetam bhorun ghevche adim

Vellechi renv khonddche adim

Ghanttiank Goeant bhorche adim

Rishvoth diunche adim

Tujem Goenkarpon vinkchea adim!