Ghanv ani Goem soddun,

zaite Goenkar vidhesh ghele.

Portugalachi passport korun,

Europantui bhitor sorle.

 

Bori zodd zoddunk,

ratche dhis korun,

jivache tras bhogun,

gorancheo challi korun,

thal’lea latant koxe jiele.

 

Hozaranim Goenkar amche

eksurponnan rautat.

Brexit-achea motak lagon,

fuddar chintun otrektat.

 

Nidh poddonam, paulam mejun,

devak ulo kortat.

Apli goroz fati dovrun,

dhukancheo nodio vanvoitat.

 

Votant korpun, xiant koddkoddun,

bail, bhurgeank, zantteank,

borem jivit anvdetat.

Polashi sarkim goram bandun,

rinnant pasun bud’dtat.

 

Kuddint gottai astanach,

Goem vosonk anvdetat.

Zantteaponnan vochot zalear,

haddant takot nam assot

nimnnim vorsam sonsarant

khatir poddun sarunk poddot.

 

Boroinar: Joseph Canisius Dias

Jodi’s postcard pic : Frederick Noronha (Goa 1556) …. http://www.goa1556.in/book/goa-in-sepia-tinted-postcards/